“Real” sobiq futbolchisini o‘z safiga qo‘shib olishi mumkin

Madridning “Real” klubi qishki transfer oynasida “Manchester Yunayted”da o‘ynayotgan braziliyalik yarim himoyachi Kazemironi ortga qaytarish haqida o‘ylamoqda. Bu haqda “Trivela” xabar berdi.

Manbaga ko‘ra, Kazemiro klubning yosh yarim himoyachilarining rivojlanishiga yordam bera oladigan futbolchi sifatida ko‘rilmoqda. Bundan tashqari, u o‘yinchilarning so‘nggi paytlarda olgan jarohatlari tufayli yarim himoya va himoya tizimidagi muammolarni hal qilishda ham yordam berishi mumkin.

Joriy mavsumda Kazemiro “Man Yunayted”ning barcha turnirlarida 16 ta o‘yinda ishtirok etdi va 3 ta gol urdi. Futbolchining klub bilan amaldagi shartnomasi 2026 yilning yoziga qadar amal qiladi. “Transfermarkt” portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.

Ma’lumot uchun, Kazemiro 2015 yildan 2022 yilgacha Real safida to‘p tepgan, Madrid klubi bilan 5 marta Yevropa Chempionlar ligasi, 3 marta Ispaniya chempionati, UEFA Superkubogi va klublar o‘rtasidagi Jahon chempionatida g‘olib chiqqan.