“Real”ning yozdagi asosiy transfer maqsadi ma’lum bo‘ldi

“Liverpul”ning o‘ng qanot himoyachisi Trent Aleksander-Arnold yozgi transfer oynasida “Real”ga o‘tishi mumkin. Bu haqda insayder Fabritsio Romano X sahifasida xabar berdi.

Manbaga ko‘ra, 25 yoshli futbolchi haqiqatan ham “Real Madrid”ning asosiy transfer maqsadlaridan biri hisoblanadi. “Qirollik klubi” “Liverpul” himoyachisining qobiliyatini yuqori baholab, uni uzoq muddatda Dani Karvaxalning o‘rnini bosuvchi futbolchi sifatida ko‘rmoqda, biroq ayni damda ispan jamoasi va futbolchi o‘rtasida muzokaralar olib borilmayapti. Faqat Madrid klubidan jiddiy qiziqish borligi tasdiqlandi.

Angliya terma jamoasi futbolchisi Aleksandr-Arnold butun professional faoliyati davomida “mersisaydliklar” sharafini himoya qilgan. Uning klub bilan amaldagi shartnomasi 2025 yilning o‘rtalariga qadar tuzilgan. Bu mavsumda himoyachi klub safida barcha musobaqalarda 35 ta o‘yin o‘tkazib, 3 ta gol urdi va 9 ta golli uzatmani amalga oshirdi.