“Real” Mbappe transferidan keyin bir qancha futbolchilarini sotmoqchi
Sport
−
20 iyul 4776
Madridning “Real” klubi hujumchi Kilian Mbappe bilan shartnoma imzolash uchun sarflagan pullarining bir qismini qoplamoqchi. Shu maqsadda “qaymoqranglilar” klubning bir qancha yosh iqtidor egalarini sotish niyatida. Bu haqda “Mundo Deportivo” xabar berdi.
Manbaga ko‘ra, “qirollik klubi” 20 yoshli himoyachi Mario Martin, 19 yoshli hujumkor yarim himoyachi Niko Pas va hujumchi Alvaro Rodriges bilan xayrlashishga tayyor.
Qayd etilishicha, “Real” mazkur futbolchilarini qaytarib sotib olish opsiyasi bilan pullamoqchi.
Ma’lumot uchun, 3 iyun kuni Mbappe rasman “Real Madrid” futbolchisiga aylandi. 16 iyul kuni uning “qaymoqranglilar” futbolchisi sifatida taqdimoti bo‘lib o‘tdi. Fransiyalik hujumchining maoshi yiliga 30 million yevroni tashkil etadi. Mbappening shartnomasida 1 milliard yevro tovon puli ham bor.
