“Real Madrid” kelasi mavsum katta qiyinchiliklarga duch keladi – Bellingem

Angliyalik futbolchi Jud Bellingem “Real”dagi muhitdan mamnun. Bu haqda u “Sky Sports” nashriga bergan intervyusida aytib o‘tdi. 

“Real”daligimdan zavqlanyapman. Men bu jamoada o‘ynashni yoqtiraman. Buyuk futbolchilardan ko‘p narsa o‘rganaman. “Real Madrid” kelasi mavsumda katta qiyinchiliklarga duch keladi. “Real”da eng yaxshi futbolchilar jamlangan. Madridga kelish qarorini ikkilanishlarsiz qabul qilganman. “Milan” bilan ham, “Manchester Yunayted” bilan ham munosib o‘yin o‘tkazdim. Men shu ritmni saqlab qolishni istayman”, deydi Bellingem.

20 yoshli Bellingem shu yozda Dortmundning “Borussiya”sidan 103 million yevro evaziga “Real”ga o‘tdi. Futbolchi yangi klubi bilan 2029 yilning yoziga qadar shartnoma imzolagan. Hozircha bu mavsum oralig‘idagi eng qimmat transfer hisoblanadi.

Eslatib o‘tamiz, Bellingem “Real”ning MYUga qarshi o‘rtoqlik o‘yinida klub safidagi debyut golini urdi. Ispan va ingliz klubi o‘rtasidagi bahs 2:0 hisobida “qaymoqranglilar” foydasiga hal bo‘lgan.