“Real” Anchelottiga qat’iy vazifa yukladi
Sport
−
06 yanvar 5370
Madridning “Real” klubi murabbiy Karlo Anchelottining o‘rniga “Bayer” ustozi Xabi Alonsoni olib kelmoqchi. Bu haqda “Relevo” nashri xabar berdi.
Manbaga ko‘ra, agar “qirollik klubi” mavsum yakunida birorta sovringa ega chiqmasa, murabbiy Karlo Anchelottini iste’foga chiqaradi va uning o‘rnini Xabi Alonso bilan to‘ldiradi. Klub rahbariyati Anchelottidan La Liga yoki YeCHL g‘olibligini kutmoqda. Agar sovrin qo‘lga kiritilsa, Karlo 2025/26 yilgi mavsum oxirigacha, ya’ni shartnomasi tugaguncha jamoada qoladi. Shu bilan birga, Alonsoning ham leverkuzenliklar bilan kelishuvi yakuniga yetadi.
Ma’lumot o‘rnida, “qaymoqranglilar” La Liga 19-turidan keyin 43 ochko bilan turnir jadvalida peshqadamlik qilmoqda. Klub hamshaharlari “Atletiko”dan 2 ochko oldinda.
