Rasman: “Real” Kepa Arrizabalaga transferini e’lon qildi
Sport
−
14 avgust 2023 2286
“Chelsi” darvozaboni Kepa Arrizabalaga faoliyatini “Real Madrid”da davom ettiradi. Bu haqida klub matbuot xizmati xabar berdi.
Ma’lum qilinishicha, Ispaniya klubi 28 yoshli darvozabonni 2024 yilning yoziga qadar bir mavsum uchun ijaraga olgan. Ertaga, 15 avgust kuni Arrizabalaga muxlislar va ommaviy axborot vositalariga “Real”ning yangi futbolchisi sifatida tanishtiriladi.
Arrizabalaga “Real Madrid” safida 46-raqam ostida maydonga tushadigan bo‘ldi.
Ma’lumot uchun, 28 yoshli Kepa Arrizabalaga o‘tgan 2022/2023 yilgi mavsumda “Chelsi” safida 39 ta o‘yinda maydonga tushib, 45 ta gol o‘tkazib yuborgan va 12 bor o‘z darvozasi daxlsizligini saqlab qolgan.
U endilikda joriy yilning 10 avgustida oyog‘idan jiddiy jarohat olgan “qirollik klubi” darvozaboni Tibo Kurtuaning o‘rnini egallaydi. Kurtua esa 2023/24 yilgi mavsumni butunlay o‘tkazib yuborishi aytilmoqda.
