Rasman: “Real” Bellingem transferini e’lon qildi
Sport
−
14 iyun 2023 2666
Ispaniyaning “Real Madrid” futbol klubi “Borussiya Dortmund” yarim himoyachisi Jud Bellingem transferini rasman e’lon qildi. Bu haqda “qirollik klubi”ning rasmiy sahifalarida xabar berildi.
Unga ko‘ra, madridliklar Bellingem uchun “Dortmund” klubiga 103 million yevro to‘lab bergan. 19 yoshli futbolchi jamoa bilan 2029 yilga qadar mo‘ljallangan shartnomaga imzo qo‘ygan.
U tibbiy ko‘rikdan muvaffaqiyatli o‘tgani va ertaga, 15 iyun kuni rasmiy tanishtirish marosimida qatnashishi ma’lum qilingan.
Ma’lumot uchun, Bellingem 2022/2023 yilgi mavsumda “Dortmund” klubi safida 39 o‘yinda maydonga tushib, 11 ta gol hamda 6 ta golli uzatmaga mualliflik qildi.
Muhsinjon Umurzoqov
