Расман: “Реал” Беллингем трансферини эълон қилди

Sport

−

14 June 2023 visibility4293 timer1 minute

Испаниянинг “Реал Мадрид” футбол клуби “Боруссия Дортмунд” ярим ҳимоячиси Жуд Беллингем трансферини расман эълон қилди. Бу ҳақда “қироллик клуби”нинг расмий саҳифаларида хабар берилди.

Унга кўра, мадридликлар Беллингем учун “Дортмунд” клубига 103 миллион евро тўлаб берган. 19 ёшли футболчи жамоа билан 2029 йилга қадар мўлжалланган шартномага имзо қўйган.

У тиббий кўрикдан муваффақиятли ўтгани ва эртага, 15 июнь куни расмий таништириш маросимида қатнашиши маълум қилинган.

Маълумот учун, Беллингем 2022/2023 йилги мавсумда “Дортмунд” клуби сафида 39 ўйинда майдонга тушиб, 11 та гол ҳамда 6 та голли узатмага муаллифлик қилди.

Муҳсинжон Умурзоқов

Author