Ramzan Qodirov Nursulton Ro‘ziboyevga avtomobil sovg‘a qildi

O‘zbekistonlik taniqli MMA jangchisi Nursulton Ro‘ziboyevga Checheniston rahbari Ramzan Qodirovga tegishli klub tomonidan “Roewe M7 DMH” rusumidagi yangi avtomobil topshirildi. Bu haqda sportchining o‘zi Instagram sahifasida ma’lum qildi.

Checheniston rahbari Ramzan Qodirovga tegishli “Axmat” jangovar klubi safida faoliyat yurituvchi Ro‘ziboyev UFC’dagi navbatdagi g‘alabasidan keyin qimmatbaho sovg‘a bilan taqdirlandi.

“Yutsang unday qilaman, bunday qilaman deb va’da beradiganlar ko‘p. Lekin jang natijasidan qat’i nazar, sovg‘a beradiganlar ham bor”, deb yozdi Ro‘ziboyev.

Ma’lumot uchun, Nursulton Ro‘ziboyev joriy yilning 27 iyun kuni Ozarbayjon poytaxti Boku shahrida o‘tkazilgan UFC 280 turnirida rossiyalik Andrey Pulyayevga qarshi oktagonga ko‘tarilgan edi. O‘rta vazn toifasida kechgan jangda o‘zbekistonlik sportchi raqibini birinchi raundning o‘zidayoq bo‘g‘ish usuli bilan mag‘lub etib, UFC’dagi yana bir ishonchli g‘alabasini qayd etdi.

Ro‘ziboyev 2015 yildan buyon “Axmat” jangovar klubi sharafini himoya qilib keladi. Uning UFC’dagi muvaffaqiyatli ishtirokidan so‘ng klub rahbariyati sportchini munosib rag‘batlantirib, unga yangi avtomobil sovg‘a qildi.