Putin o‘zbekistonlik sport mutaxassisini mukofotladi
Sport
−
09 noyabr 5500
O‘zbekistonlik sport mutaxassisi, Osiyo-Okeaniya Sambo federatsiyasi prezidenti Alamjon Mullayev Rossiya Federatsiyasi Prezidenti Vladimir Putin tomonidan orden bilan taqdirlandi. Bu haqda QALAMPIR.UZ manbasi xabar berdi.
.jpg)
Gap shundaki, 8-10 noyabr kunlari Qozog‘istonning Ostona shahrida Sambo bo‘yicha kattalar o‘rtasida Jahon chempionati o‘tkaziladi. Chempionat doirasida Xalqaro sambo federatsiyasining (FIAS) navbatdagi Kongressi bo‘lib o‘tdi.
Kongress davomida sambo sportining dunyoda keng rivojlanishiga munosib hissa qo‘shayotgan bir guruh insonlar Rossiya Prezidenti Vladimir Putin tomonidan davlat mukofotlari bilan taqdirlandi.
Jumladan, o‘zbekistonlik Alamjon Mullayevga “Do‘stlik” ordeni topshirildi. Mukofotni Putin nomidan Xalqaro sambo federatsiyasi prezidenti Vasiliy Shestakov taqdim etdi.
