Putin ukrainaliklarni masxara qilyapti – Blinken

Ukrainaning ehtiyojlari Rossiyaning harakatlariga qarab farq qiladi. Rossiya Prezidenti Vladimir Putin ukrainaliklarni Yevropada o‘n yillar davomida kuzatilmagan tarzda masxara qilmoqda. Bu haqda AQSH Davlat kotibi Entoni Blinken so‘z ochdi. 

“Putin jang maydonida qila olmaydigan ishni u butun mamlakat bo‘ylab tinch aholiga qilyapti, ularni issiqlik, elektr, suvdan mahrum qilishga, muzlatib qo‘yishga, Yevropada bir necha o‘n yillar davomida kuzatilmagan tarzda masxara qilishga urinmoqda. Bu nafaqat Ukraina sharqi va janubidagi front chizig‘i, balki tom ma’noda mamlakatning barcha hududlarida sodir bo‘lmoqda”, deydi u “NBC News” telekanalida. 

Blinkenning fikricha, AQSH ikki narsaga e’tibor qaratgan. 

“Birinchidan, biz Ukrainaga ta’mirlash, almashtirish, energiya va elektr infratuzilmasini yanada mustahkamroq qilish uchun qo‘limizdan kelganicha yordam berishimizga ishonch hosil qilishimiz kerak”, deydi Blinken. 

Ammo shu bilan birga AQSH ukrainaliklar bu infratuzilmani himoya qila olishiga ishonchi komil bo‘lishi kerak. 

“Shuning uchun biz Rossiyaning ushbu tajovuzi davomida yo‘lning har bir bekatida Ukraina o‘zini-o‘zi mudofaa qilish, Rossiya tajovuzini to‘xtatib turish, qarshilik ko‘rsatish uchun zarur bo‘lgan harbiy texnika va qurollarga ega bo‘lishini ta’minlashga harakat qilamiz. Shu bilan birga, Ukrainaning ehtiyojlari Rossiya harakatlarining xususiyatiga qarab o‘zgardi”, deydi Davlat kotibi.