Putin Rossiyada o‘rtacha necha yil umr ko‘rish mumkinligini aytdi
Olam
−
01 dekabr 2023
83412023 yil oxirigacha Rossiyada umr ko‘rish davomiyligi taxminan 74 yoshni tashkil qiladi. Bu haqda Rossiya Prezidenti Vladimir Putin II Milliy sog‘liqni saqlash kongressi ishtirokchilariga yo‘llagan videomurojaatida aytdi.
“Hukumat, Sog‘liqni saqlash vazirligi, viloyat hokimiyati va har bir tibbiyot xodimining muvofiqlashtirilgan, mas’uliyatli faoliyati munosib natijalarga erishish imkonini berdi, bulardan birinchisi, albatta, Rossiya uchun o‘rtacha umr ko‘rish rekordidir. Bu yilgi natijalarga ko‘ra, u 74 yoshni tashkil etadi”, deydi davlat rahbari.
Federatsiya Bosh vaziri o‘rinbosari Tatyana Golikovaning yanada aniqlik kiritishicha, Rossiyada o‘rtacha umr ko‘rish joriy yilning 9 oyida 73,5 yoshga ko‘tarilgan.
“Mamlakat Prezidenti tomonidan belgilab berilgan asosiy maqsadimiz – aholini asrab-avaylash, odamlar salomatligi va farovonligini ta’minlashdir. Albatta, bunda sog‘liqni saqlash muhim va katta o‘rin tutadi. Muvofiqlashtirilgan ish natijasida biz o‘rtacha umr ko‘rishni 73,5 yoshga ko‘tarishga erishdik”, deydi u.
LiveBarchasi