Putin “Rossiya-Markaziy Osiyo” formatidagi ilk sammitga katta umid bog‘layapti

Rossiya Prezidenti Vladimir Putin bugun, 7 oktyabr kuni bo‘lib o‘tgan Mustaqil davlatlar hamdo‘stligining norasmiy sammitida davlat rahbarlarining “Rossiya-Markaziy Osiyo” formatidagi birinchi uchrashuviga tayyorgarlikni muhokama qilishni taklif qildi. 

“Muhokama mavzusi kelasi hafta Ostonada bo‘lib o‘tadigan “Rossiya-Markaziy Osiyo” formatidagi ilk sammitga tayyorgarlik ko‘rishdir”, deydi Putin.  

TASSning yozishicha, joriy yilda Hamdo‘stlikka raislik qiluvchi Qozog‘iston poytaxtida 12-14 oktyabr kunlari MDH sammitlari, Osiyoda hamkorlik va ishonch choralari bo‘yicha kengashlar, shuningdek, davlat rahbarlarining “Rossiya – Markaziy Osiyo” formatidagi uchrashuvi bo‘lib o‘tadi. 

“Bizda haqiqatan ham juda ko‘p masalalar bor, biz hozirgacha uchrashdik, ba’zilarini muhokama qilishni boshladik, ularning barchasi bizni iqtisodiy va ijtimoiy sohada, xalqaro-huquqiy jihatdan jiddiy qiziqtirmoqda. Bugun foydali uchrashuv o‘tkazamiz”, degan Putin hamkasblariga.  

U MDH davlatlari rahbarlariga “taklifga javob berib, Sankt-Peterburgga kelgani” uchun minnatdorlik bildirgan.