Putin Medvedevga migrantlar bo‘yicha yangi vazifa yukladi
Olam
−
11 fevral 2022
16007Rossiya Prezidenti Vladimir Putin Rossiya Federatsiyasi Xavfsizlik kengashining davlat migratsiya siyosatini takomillashtirish bo‘yicha idoralararo komissiyasini tuzish to‘g‘risidagi farmonni imzoladi. Tegishli hujjat huquqiy axborotning rasmiy portalida e’lon qilingan.
Yangi tuzilmani Rossiya Xavfsizlik kengashi raisining o‘rinbosari boshqaradi, hozirda bu lavozimni Dmitriy Medvedev egallab turibdi.
Ta’kidlanishicha, komissiya migratsiya sohasida davlatning milliy xavfsizligini ta’minlash va ijtimoiy-iqtisodiy rivojlanish manfaatlaridan kelib chiqqan holda migratsiya jarayonlarini tartibga solish bo‘yicha vazifalarni bajarish maqsadida tashkil etilgan.
“Shuningdek, tuzilma migratsiya siyosati masalalari bo‘yicha turli hokimiyat va tashkilotlar faoliyatini muvofiqlashtiradi”, deyiladi farmon matnida.
Avvalroq, Rossiyada qurilish sohasida 1,5 milliondan 2 milliongacha xorijiy mehnat muhojiri yetishmasligi haqida xabar bergandik.
LiveBarchasi
07 noyabr 2023
07 noyabr 2023
07 noyabr 2023