Putin ertaga Turkiyaga boradi
Olam
−
07 yanvar 2020
5951Rossiya Federatsiyasi Prezidenti Vlamir Putin Turkiyaga boradi. Tashrif ertaga, 8 yanvar kuniga rejalashtirilgan. Bu haqda Prezident Matbuot xizmati xabar bermoqda.
Vladimir Putin va Turkiya Respublikasi Prezidenti Rajab Toyib Erdo‘g‘an Istanbul shahrida barpo etilgan “Turk oqimi” gaz quvurini ishga tushirish marosimida ishtirok etadilar.
Mazkur gaz quvuri orqali Rossiya gazi Yevropaga yetkazib beriladi. Ushbu loyiha ikki liniyadan iborat bo‘lib, ularning har biri 15,75 milliard kubometr tabiiy gazni tashishga qodir.
Shuningdek, Putinning tashrifi doirasida ikki mamlakat rahbarlari o‘rtasida muzokaralar bo‘lib o‘tadi. Unda Rossiya-Turkiya munosabatlarini yanada kengaytirish va mustahkamlash, xalqaro ahamiyatga molik muammolar, jumladan Suriya va Liviyadagi vaziyat muhokama qilinadi.
Eslatib o‘tamiz, o‘tgan hafta oxirida Turkiya Parlamenti Liviyaga harbiylar jo‘natishni ma’qullovchi qonunni imzoladi va Prezident Erdo‘g‘an Liviyaga harbiylarni kiritish boshlanganini ma’lum qildi.
LiveBarchasi
07 noyabr 2023
07 noyabr 2023
07 noyabr 2023