PSJ Messi bilan yangi shartnoma imzolaydi
Sport
−
27 yanvar 2023 4315
PSJ hujumchisi Lionel Messi Fransiya klubi bilan shartnomasini uzaytiradi. Bu haqda “Diario Sport” nashri xabar berdi.
Qayd etilishicha, kelishuv kamida ikki mavsumga mo‘ljallangan. Klub forvardning maoshini oshiradi. Messining shartnomani uzaytirishga rozi bo‘lishining asosiy sabablaridan biri – boshqa jamoalar bilan jiddiy variantlarning yo‘qligi. “Barselona” argentinalik futbolchiga taklif bilan chiqmagan.
Joriy mavsumda 35 yoshli forvard PSJ safida barcha turnirlar doirasida 21 o‘yinda maydonga tushib, 13 gol urdi va 14 golga assistentlik qildi.
Messi Argentina terma jamoasi bilan 2022 yilgi Jahon chempionatida ham g‘alaba qozondi. Finalda Lionel Skaloni shogirdlari Fransiyani mag‘lub etdi (3:3, 4:2 pen.). Shuningdek, Messi 2022 yilgi Jahon chempionatining eng yaxshi futbolchisi deb topilgandi.
Live
Barchasi07 noyabr 2023
07 noyabr 2023
07 noyabr 2023
