PSJ Mbappe tezroq bir qarorga kelishini xohlamoqda
Sport
−
18 yanvar 2438
Fransiyaning PSJ klubi hujumchi Kilian Mbappening kelajagi borasidagi qarorini iloji boricha tezroq eshitmoqchi. Bu haqda “RMC Sport” xabar berdi.
Manbaga ko‘ra, Mbappe hali faoliyati borasida yakuniy qarorga kelmagan. PSJ fransiyalik hujumchini klub bilan shartnomasini uzaytirishni istamoqda. Parijliklar futbolchiga “Real Madrid” qaraganda anchagina katta maosh taklif qilmoqda.
Futbolchining PSJ bilan shartnomasi 2024 yilning 30 iyunida yakuniga yetadi. Mbappening transfer qiymati 180 million yevroga baholanmoqda.
Eslatib o‘tamiz, avvalroq “Real” Mbappeni o‘z safiga qo‘shib olish uchun futbolchidan yozma kafolat talab qilgani xabar qilingandi.
“Qirollik klubi” shu yo‘l bilan 2022 yil voqealarining oldini olishga harakat qilmoqda, o‘shanda Mbappe transferi bo‘yicha faqat og‘zaki kelishuvga erishgan, biroq fransiyalik futbolchi yakunda PSJ bilan shartnomasini uzaytirgan.
