Shavkat Mirziyoyev Ozarbayjonga yetib bordi
Jamiyat
−
14 Oktabr 2019 9356
Avvalroq, O‘zbekiston Respublikasi Prezidenti Shavkat Mirziyoyev Turkiy tilli davlatlar hamkorlik Kengashining yettinchi sammiti tadbirlarida ishtirok etish uchun bugun, 14 oktyabr kuni Ozarbayjon poytaxti Baku shahriga jo‘nab ketgani haqida xabar bergan edik.
O‘zbekiston Respublikasi Prezidenti Shavkat Mirziyoyev Baku shahriga yetib keldi. Oliy martabali mehmonni Ozarbayjon Bosh vazirining birinchi o‘rinbosari Yoqub Ayubov, Tashqi ishlar vazirligi rahbariyati va boshqa rasmiy shaxslar kutib oldi.
Sammitning asosiy tadbirlari ertaga, 15 oktyabrga mo‘ljallangan.
Tashrif doirasida Shavkat Mirziyoyev qator ikki tomonlama uchrashuvlar o‘tkazadi.
