Prezident meva-sabzavotlarni qayta ishlash korxonasida bo‘ldi
Jamiyat
−
26 iyul 2019 3784
O‘zbekiston Respublikasi Prezidenti Shavkat Mirziyoyev Samarqand tumanidagi “Agromir” mas’uliyati cheklangan jamiyatini borib ko‘rdi.
Qariyb 450 kishi doimiy ish bilan ta’minlangan korxonada yiliga 60 ming tonna sharbat va nektar, deyarli 6 ming tonna konsentratlar ishlab chiqarish quvvatiga mavjud bo‘lib, bugungi kunda 42 turdagi mahsulot tayyorlanmoqda. Ishlab chiqarish va qadoqlash sexlari Italiya hamda Shveysariya texnologiyalari bilan jihozlangan. O‘tgan yili 2,1 million dollar, joriy yilda 5,5 million dollarlik eksport qilingan.
Davlat rahbari meva-sabzavotlarni qayta ishlash jarayonini, tayyor mahsulotlar namunalarini ko‘zdan kechirdi.
