Politsiya tomonidan o‘ldirilgan Floydning oilasi katta miqdorda tovon puli oladi 

Olam

image
0:00
0:00
download

AQSHning Minnesota shtatidagi Minneapolis shahri rasmiylari o‘tgan yili hibsga olish paytida politsiya tomonidan o‘ldirilgan afroamerikalik Jorj Floydning oilasiga 27 million dollar to‘laydi. Bu haqda "Associated Press" xabar bergan. 

Shahar rasmiylari Floydlar oilasining da’vosini suddan tashqarida hal qilishga rozi bo‘lgan. 

Sud da’vosida oila zobitlar Floydni ushlab turganda uning huquqlarini buzgani va politsiyaning "haddan tashqari kuch ishlatish, irqchilik" masalalarida gullab-yashnashiga shaharning yo‘l qo‘yib qo‘yganini ta’kidlagan. 

Ma’lumot o‘rnida, o‘tgan yil 25 may kuni Minneapolisda 46 yoshli amerikalik Jorj Floyd politsiya tomonidan o‘ldirilgan. Internetda politsiyachi Floydning bo‘yniga tizzasini bosgan va u nafas ololmayotganini takrorlagan videorolik ko‘plab amerikaliklarning g‘azabiga sabab bo‘lgan. Politsiya shafqatsizligiga qarshi norozilik namoyishlari Minneapolisni, keyin Amerikaning boshqa shaharlarini qamrab olgan va hatto AQSH tashqarisiga ham tarqalgan. Bir qator shaharlarda norozilik namoyishlari tartibsizliklarga, buzg‘unchilik harakatlariga, do‘konlarni yoqish va talon-toroj qilishga, huquq-tartibot idoralari xodimlari bilan to‘qnashuvlarga olib kelgan.


Maqola muallifi

Teglar

Jorj Floyd

Baholaganlar

219

Reyting

3

Maqolaga baho bering

Doʻstlaringiz bilan ulashing