Polsha o‘z armiyasini ikki baravarga oshiryapti 

Polsha "Vagner" yollanma jangchilari va Belarusdagi Rossiya askarlarining faolligi fonida yaqin kelajakda muntazam armiyasini deyarli ikki baravar oshirish niyatida. Bu haqda Polsha Bosh vaziri o‘rinbosari Yaroslav Kachinskiy ma’lum qildi.

Kachinskiyning so‘zlariga ko‘ra, mamlakatda hozirgi uchta bo‘linma o‘rniga yettita bo‘linma tashkil etiladi. Ulardan oltitasi jangovar, yettinchisi zaxirada bo‘ladi.

"Biz harbiy qismlarni tiklayapmiz, yangilarini yaratmoqdamiz. Hozir yangi – oltinchi diviziya tashkil etilmoqda", deydi Kachinskiy.

Shuningdek, Polsha Bosh vaziri o‘rinbosari Varshava NATOning sharqiy qanotida qalqon bo‘lish uchun Yevropadagi eng kuchli quruqlik armiyasini yaratishga intilayotganini ta’kidlagan.

Eslatib o‘tamiz, oldinroq Polsha Belarus va Rossiya bilan chegarada sapyorlar bataloni tashkil etishini ma’lum qilgandi. AQSH esa Polshani “Vagren”dan himoya qilishga va’da berdi.