Polsha armiyasini shay holatda ushlab turibdi

Polsha keng ko‘lamli mojaro xavfini hisobga olib, o‘z armiyasini shay holatda ushlab turibdi. Bu haqda Polsha armiyasi bosh shtabi boshlig‘i general Vislav Kukula ma’lum qildi.

“Polsha o‘z qo‘shinlarini keng ko‘lamli mojaro xavfiga qarshi tayyorlashi kerak. Bugun biz kuchlarimizni asimmetrik to‘qnashuvga emas, balki keng ko‘lamli mojaroga tayyorlashimiz, chegara missiyasi va armiyaning mashg‘ulotlar intensivligini saqlab qolish o‘rtasida yaxshi muvozanatni topishimiz zarur”, deydi Kukula Rossiya va Belarus bilan chegarada qo‘shinlar soni ko‘payganini e’lon qilar ekan.

Mudofaa vaziri o‘rinbosari Pavel Bejda esa avgust oyidan boshlab Polshaning sharqiy chegarasini qo‘riqlayotgan qo‘shinlar soni hozirgi 6 mingdan 8 mingga ko‘paytirilishini, 48 soat ichida qo‘shimcha 9 ming orqa qo‘riqchi joylashtirilishi mumkinligini aytdi.

May oyida Polsha Belarus va Rossiya bilan chegaralarida mudofaani kuchaytirishga qaratilgan taxminan 10 milliard zlotiy (2,5 milliard dollar) qiymatidagi “Sharq qalqoni” dasturining tafsilotlarini e’lon qildi va uni 2028 yilga qadar yakunlash rejalashtirilmoqda.

Polshaning Belarus bilan chegarasi 2021 yilda migrantlar oqib kela boshlaganidan beri keskinlik o‘chog‘iga aylandi. 

Eslatib o‘tamiz, oldinroq Belarus Mudofaa vazirligi Polsha chegarasidan atigi bir necha mil narida Xitoy bilan harbiy mashg‘ulotlar boshlaganini e’lon qilgandi.