Pokistonda TikTok bloklandi
Olam
−
12 mart 2021 3945
Pokiston sudi mamlakat telekommunikatsiya ma’muriyatiga mashhur TikTok ijtimoiy tarmog‘ini jamiyatdagi behayo xatti-harakatlarni ko‘rsatadigan videolar tufayli taqiqlashni buyurdi. Bu haqda "Dawn" gazetasi xabar bergan.
"TikTok'ga yuklangan videolar Pokiston jamiyatiga to‘g‘ri kelmaydi", degan sudya.
Maqolada agentlik TikTok mutasaddilariga so‘rov yuborgani, ammo hanuzgacha javob olmagani aytilgan.
O‘tgan yilning oktyabr oyida TikTok Pokistonda axloqsiz kontent haqida ogohlantirishlar tufayli taqiqlangan edi. Biroq, keyinchalik ijtimoiy tarmoq mamlakat qonunlariga rioya qilish sharti bilan tiklangandi.
