Peres “Real” muxlislariga va’da berdi. Mbappe kelasi yil jamoaga olib kelinadi
Sport
−
26 Sentabr 2021 3602
Kecha, 25 sentyabr kuni “Real Madrid” prezidenti Florentino Peres jamoa muxlislar bilan uchrashdi va ularga kelasi yili parijliklar hujumchisi Kilian Mbappe bilan shartnoma tuzishga va’da berdi. Bu haqda “Directo Goal” xabar tarqatdi.
Ma’lum qilinishicha, La Liganing 7-turidan o‘rin olgan “Vilyarreal”ga qarshi kechgan o‘yindan so‘ng (0:0), “Real” muxlislaridan biri Florentino Peresning mashinasi yoniga kelib: “Janob, Prezident, Mbappe bilan shartnoma imzolaysizmi?” deya so‘ragan. “Qirollik klubi” rahbari muxlisga kelasi yili Kilian, albatta, xarid qilinishini aytgan.
Eslatib o‘tamiz, 2022 yilning yozida Mbappening PSJ bilan shartnomasi yakuniga yetadi. Hujumchi shartnomani uzaytirmoqchi emas va katta ehtimol bilan erkin agent sifatida “Real”ga o‘tadi. Biroq “Manchester Siti” har qanday holatda ham futbolchini sotib olishga tayyorligini bildirgan.
