Peres nima uchun Bellingemni “Real”ga jalb qildi?
Sport
−
16 iyun 2023 3470
Madridning “Real” klubi prezidenti Florentino Peres Dortmundning “Borussiya” klubi yarim himoyachisi Jud Bellingem bilan shartnoma imzolagani haqida fikr bildirdi.
“Dunyoning eng yaxshi futbolchilaridan biri safimizga qo‘shildi. Jud “Real”ga o‘tishni xohladi. U istalgan boshqa klubga o‘tishi mumkin edi, ko‘pchilik Bellingemni qo‘lga kiritishni xohladi, lekin u “Real Madrid”ni tanladi. Xush kelibsan”, deydi Peres.
Jud “Real” bilan 2029 yilning yoziga qadar shartnoma imzoladi. “Qirollik klubi” Bellingem uchun “Borussiya”ga 103 million yevro, shuningdek, 31 million yevroga yaqin bonuslar to‘laydi.
Bellingem 2020 yilda Angliyaning “Birmingem Siti” klubidan ko‘chib o‘tganida Dortmundning “Borussiya”siga o‘tgan edi. Germaniyada o‘tkazgan uch mavsum davomida ingliz futbolchisi 132 o‘yin o‘tkazib, 24 gol urdi va 25 golga assistentlik qildi.
