“Paxtakor” ertaga Eronda mehmon bo‘ladi
Sport
−
04 mart 2019 5547
Ertaga, 5 mart kuni Osiyo Chempionlar Ligasi o‘yinlari davom ettiriladi. Aynan shu kuni Toshkentning “Paxtakor” jamoasi musobaqaning 1-turi doirasida Eronning “Persepolis” klubi mehmoni bo‘ladi.
Uchrashuv mamlakat poytaxti Tehronda joylashgan “Ozodiy” stadionida Toshkent vaqti bilan soat 20:00da boshlanadi. Bellashuvni Shri-Lanka vakili Xettikamkanamge Perera boshchiligidagi hakamlar brigadasi boshqarib boradi.
Ma’lumot uchun, tomonlar 2003 yilda ham o‘zaro to‘qnash kelishgan. O‘sha bahsda toshkentliklar forslar ustidan 1:0 hisobida g‘alaba qozonishgan edi.
