Ozarbayjon armanistonlik uch futbolchini hibsga oldi

Ozarbayjon sudi kecha, 28 avgust kuni Tog‘li Qorabog‘dan chiqib ketmoqchi bo‘lgan paytda qo‘lga olingan Armanistonning uch fuqarosini 10 kunga hibsga oldi. Bu haqda Ozarbayjon Bosh prokuraturasi matbuot xizmati xabar berdi. 

“Qo‘lga olingan Armaniston fuqarolari – Alen Sargsyan, Vage Ovsepyan va Levon Grigoryanga nisbatan Bosh prokuratura qarori bilan Ozarbayjon Ma’muriy javobgarlik to‘g‘risidagi kodeksining 338-1-moddasi (tarqatish taqiqlangan axborotni axborot resursida yoki Internetda joylashtirish) bilan ish qo‘zg‘atildi. Sud qarori bilan Sargsyan, Ovsepyan i Grigoryan 10 sutkalik ma’muriy qamoqqa olindi”, deyiladi BP xabarida. 

Bosh prokuraturaning ta’kidlashicha, sud qarori ijro etilgach, uchalasi ham Ozarbayjondan chiqarib yuboriladi. 

Ozarbayjon huquq-tartibot idoralari xodimlariga ko‘ra, hibsga olingan yigitlar 2021 yilda Ozarbayjon bayrog‘iga nisbatan haqoratli harakatlar sodir etgan. O‘shanda internetda qorabog‘lik yoshlar futbol jamoasi o‘yinchilari Ozarbayjon bayrog‘ini oyoqlari bilan bosib, binoni tark etgani aks etgan video e’lon qilingan edi.  

“Aslida ushbu holat yuzasidan Jinoyat kodeksining 283.2.3 (uyushgan guruh tomonidan milliy, irqiy, ijtimoiy yoki diniy adovat va adovat qo‘zg‘atish) va 324 (Ozarbayjon Respublikasi davlat bayrog‘i yoki davlat gerbini haqorat qilish) moddalari bilan jinoyat ishi qo‘zg‘atilgan. Jamoaning barcha o‘yinchilari qidiruvga berilgan edi”, deya izoh berdi Ozarbayjon Bosh prokuraturasi. 

Oxir-oqibat, ushbu futbol jamoasining uch nafar a’zosi Lochin nazorat-o‘tkazish punktida qo‘lga olindi. 

Boshqarmaning qo‘shimcha qilishicha, hibsga olinganlar himoyalanish huquqi bilan ta’minlangan, so‘roq paytida ularning barchasi jinoyat sodir etganliklarini tan olgan va chin dildan pushaymonlilarini bildirishgan. Ushbu holatlar, shuningdek, ayblanuvchining yoshi (eng yoshi kattasi 23 yosh) inobatga olinib, ularga nisbatan jinoyat ishi tugatilib, ma’muriy ish yuritish bilan malakalangan.