Ozarbayjon-Armaniston o‘rtasida yana otishma. Qurbon bor

Armaniston Qurolli kuchlari Ozarbayjon Kalbajar viloyati tomonga qarata o‘q uzdi. Bu haqda mamlakat Mudofaa vazirligi xabar bermoqda. 

“Armaniston qurolli kuchlari bo‘linmalari davlat chegarasining Kalbajar uchastkasida navbatdagi provokatsiyani amalga oshirdi. 

9 dekabr kuni soat 15: 00 atrofida arman harbiy qismlari Basarkecheyar viloyati yo‘nalishidagi jangovar pozitsiyalardan Ozarbayjon armiyasining Kalbajar viloyatidagi pozitsiyalarini o‘qqa tutdi”, deyiladi xabarda. 

Qayd etilishicha, armiyaning bu yo‘nalishda joylashtirilgan bo‘linmalari tomonidan tegishli chora-tadbirlar amalga oshirilgan. Operatsion vaziyat bo‘linmalar tomonidan nazorat qilinmoqda.

Rasmiu Bakuga ko‘ra, 8 dekabr kuni tunda Armaniston Qurolli kuchlari tomonidan sodir etilgan navbatdagi provokatsiya natijasida Ozarbayjon-Armaniston davlat chegarasining Kalbajar yo‘nalishida Asif Adil o‘g‘li Aliyev halok bo‘lgan. 

Yangi yuzaga kelgan keskinlik uchun butun javobgarlik Armaniston harbiy-siyosiy rahbariyatiga yuklatilgan.