Otabek Umarov Qo‘qondagi tantanali yurishda ishtirok etdi
Jamiyat
−
14 Sentabr 2019 25752
Kecha, 13 sentyabr kuni Qo‘qonda o‘tayotgan I Xalqaro hunarmandchilik festivalida otliqlarning tantanali yurishi o‘tkazildi.
Unda Prezident Shavkat Mirziyoyevning kenja kuyovi – Prezident xavfsizlik xizmati raisining birinchi o‘rinbosari – Triatlon federatsiyasi raisi Otabek Umarov ham qatnashdi.
U saf tortgan otliqlarning boshida yo‘l boshlab borgani videosini ijtimoiy tarmoqqa joylashtirgan.
Tantanali yurishni tomosha qilish uchun minglab mahalliy aholi maydonlarga chiqqan.
Bugun, 14 sentyabr kuni I Xalqaro hunarmandchilik festivali ochilish marosimi bo‘lib o‘tadi.
Unda O‘zbekiston Respublikasi Prezidenti Shavkat Mirziyoyev ishtirok etib nutq so‘zlaydi.
