Oltin va kumush tangalar narxlari arzonlashdi

Markaziy bank 2019 yil 3 apreldan amalda bo‘ladigan oltin va kumush tangalarning yangi narxlarini e’lon qildi. 

O‘tgan hafta, ya’ni 27 mart kuni belgilangan tangalar narxlariga nisbatan bu gal arzonlashgan. Oltin tanga 200 000 (ikki yuz ming) so‘mga, kumush tanga 7 000 (yetti ming) so‘mga pasaygan. 

Unga ko‘ra:

1 ta oltin tanga narxi – 13 500 000 so‘m; 

1 ta kumush tanga narxi – 252 000 so‘mni tashkil etdi.

Esdalik tangalarning har birini og‘irligi 31,1 grammdan iborat. Metallar probasi 999,9 ga teng. 

Eslatib o‘tamiz, sotuvga 1994-2009 yillarda zarb etilgan, 2 xil oltin hamda 14 xil kumush esdalik tangalari qo‘yilgan. Ularning asillik darajasi 999,9 hamda og‘irligi 31,1 grammdan iborat. 2018 yil 28 noyabrdan boshlab esdalik tangalarini tijorat banklarining ayrim filiallarida naqd va naqd pulsiz hisob-kitoblar asosida sotib olish yo‘lga qo‘yildi. 

Esdalik tangalarni sotish narxi Markaziy bank tomonidan har haftada kamida bir marta milliy valyutada belgilanadi.