“Oltin to‘p”: Yil murabbiyi sovriniga nomzodlar e’lon qilindi

“France football” tomonidan 2026 yilgi “Oltin to‘p” marosimi doirasida yilning eng yaxshi erkak murabbiyi sovriniga nomzodlar ro‘yxati ma’lum qilindi. Ushbu nominatsiyada besh nafar mutaxassis g‘oliblik uchun kurash olib boradi.

Nomzodlar:

• Mikel Arteta (Arsenal);
• Luis de la Fuente (Ispaniya MTJ);
• Unai Emeri (Aston Villa);
• Vensan Kompani (Bavariya);
• Luis Enrike (PSJ).

Mikel Arteta “Arsenal” bilan yuqori natijalar qayd etgan bo‘lsa, Unai Emeri “Aston Villa” bilan muvaffaqiyatli mavsum o‘tkazdi. Vensan Kompani esa “Bavariya” bilan ichki chempionatdagi natijalari orqali nomzodlar ro‘yxatidan joy oldi.

Luis de la Fuente Ispaniya terma jamoasi bilan, Luis Enrike esa “Pari Sen-Jermen” bilan erishgan yutuqlari uchun nomzodlar qatoriga kiritildi. Xususan, de la Fuente 2026 yilgi Jahon chempionatida Ispaniya terma jamoasining bosh murabbiyi sifatida katta natija qayd etgan.

Qayd etish joiz, o‘tgan yilgi “Yilning eng yaxshi murabbiyi” sovrinini “Pari Sen-Jermen” bosh murabbiyi Luis Enrike qo‘lga kiritgan edi. Endi ispaniyalik mutaxassis ushbu sovrinni ketma-ket ikkinchi marta yutish imkoniyatiga ega.

G‘olib joriy yilning 26 oktyabr kuni Londonda bo‘lib o‘tadigan 2026 yilgi “Oltin to‘p” marosimida aniqlanadi.