Oltiariqdagi xonadonda yirik yong‘in sodir bo‘ldi

Yong‘in xavfsizligiga rioya qilish haqida qancha gapirilmasin, targ‘ibot-tashviqot ishlari olib borilmasin,"tilsiz yov" bilan kurashish o‘z dolzarbligini yo‘qotmaydi.

Keyingi yillarda uy-ro‘zg‘or buyumlari orasida maishiy texniklarning ko‘payishi va umuman boshqa bir qator omillar sabab, elektr tarmog‘ida qisqa tutashuvlar sodir bo‘lib, bu o‘z navbatida yong‘inlarni keltirib chiqarmoqda. 

Kecha, 4 oktyabr kuni soat 00:23 da Farg‘ona viloyati, Oltiariq tumani, Muqimiy MFY, Nizomiy ko‘chasi 9-uyda yong‘in sodir bo‘ldi.

Xabar asosida voqea joyiga ikkita yong‘in o‘chirish bo‘linmalari jalb etilgan. Yong‘in soat 00:57 da o‘rab olinib, soat 01:25 da bartaraf etilgan. Yong‘in oqibatida yashash uyining 50 kvadrat metr maydonda tomi, shifti va ichki jihozlari yonib zararlangan. 

Tan jarohati olganlar va halok bo‘lganlar qayd etilmagan. Yong‘indan uyning 70 kvadratmetr maydoni saqlab qolingan. Yong‘inni taxminiy sababi elektr simlaridagi qisqa tutashuv.

Moddiy zarar miqdori aniqlanmoqda.