Олтиариқдаги хонадонда йирик ёнғин содир бўлди

Ёнғин хавфсизлигига риоя қилиш ҳақида қанча гапирилмасин, тарғибот-ташвиқот ишлари олиб борилмасин,"тилсиз ёв" билан курашиш ўз долзарблигини йўқотмайди.

Кейинги йилларда уй-рўзғор буюмлари орасида маиший техникларнинг кўпайиши ва умуман бошқа бир қатор омиллар сабаб, электр тармоғида қисқа туташувлар содир бўлиб, бу ўз навбатида ёнғинларни келтириб чиқармоқда. 

Кеча, 4 октябрь куни соат 00:23 да Фарғона вилояти, Олтиариқ тумани, Муқимий МФЙ, Низомий кўчаси 9-уйда ёнғин содир бўлди.

Хабар асосида воқеа жойига иккита ёнғин ўчириш бўлинмалари жалб этилган. Ёнғин соат 00:57 да ўраб олиниб, соат 01:25 да бартараф этилган. Ёнғин оқибатида яшаш уйининг 50 квадрат метр майдонда томи, шифти ва ички жиҳозлари ёниб зарарланган. 

Тан жароҳати олганлар ва ҳалок бўлганлар қайд этилмаган. Ёнғиндан уйнинг 70 квадратметр майдони сақлаб қолинган. Ёнғинни тахминий сабаби электр симларидаги қисқа туташув.

Моддий зарар миқдори аниқланмоқда.