Olimpiadaning to‘rtinchi kunidan so‘ng medallar jamg‘arish reytinggi qanday?

Kecha, 10 fevral kuni Italiyaning Milan va Kortina shaharlarida o‘tayotgan qishki Olimpiada o‘yinlarining 4-kungi musobaqalari bo‘lib o‘tdi. Hozirgi vaqtda medallar jamg‘arish bo‘yicha Norvegiya delegatsiyasi yetakchilik qilmoqda – ularning hisobida 6 ta oltin, 2 ta kumush va 4 ta bronza medali bor.

Milan-Kortina qishki Olimpiya o‘yinlarida musobaqalarning to‘rtinchi kunidan so‘ng Germaniya delegatsiyasi Norvegiyadan keyin ikkinchi o‘rinni egallab turibdi. Ularning hisobida hozircha 3 ta oltin, 2 ta kumush va 1 ta bronza medal mavjud.

Shvetsiya delegatsiyasi esa 3 ta oltin, 2 ta kumush va 1 ta bronza medal bilan kuchli uchlikka yakun yasab turibdi.

Medallar jamg‘arish bo‘yicha TOP-10 talik quyidagicha:

• Norvegiya – 6 oltin, 2 kumush, 4 bronza;
• Germaniya  – 3 oltin, 2 kumush, 1 bronza;
•  Shvetsiya – 3 oltin, 2 kumush, 1 bronza;
•  Shveysariya – 3 oltin, 1 kumush, 1 bronza;
• AQSH  – 2 oltin, 3 kumush, 2 bronza;
• Avstriya – 2 oltin, 3 kumush;
• Italiya – 2 oltin, 2 kumush, 7 bronza;
• Yaponiya – 2 oltin, 2 kumush, 4 bronza;
• Fransiya – 1 oltin, 2 kumush;
• Chexiya – 1 oltin, 2 kumush.

Ma’lumot uchun, O‘zbekiston delegatsiyasi tarkibida ikki nafar sportchi mamlakat sharafini himoya qilmoqda. Jumladan, Medet Nazarov tog‘ chang‘isining slalom va gigant-slalom yo‘nalishlarida, Daniil Yeybog esa short-trekning 500 metr masofasi bo‘yicha qishki Olimpiada bahslarida ishtirok etmoqda. Joriy yilning 14 fevral kuni Yeybog 500 metr masofaga kechadigan poyga saralashida startga chiqadi.