Olimpiada mash’alasi yoqildi (video)
Sport
−
16 aprel 4571
2024 yilgi yozgi Olimpiya o‘yinlari mash’alasi o‘t oldirildi. Bu haqda Xalqaro Olimpiya qo‘mitasi (XOQ) o‘z sahifasida ma’lum qildi.
Mash’ala yoqish marosimida Gretsiya Prezidenti Katerina Sakellaropulu, Xalqaro Olimpiya qo‘mitasi prezidenti Tomas Bax, Gretsiya Milliy Olimpiya qo‘mitasi rahbari Spiros Kapralos va boshqa rasmiy shaxslar ishtirok etdi.
Marosim qadimgi yunon Hera ibodatxonasida bo‘lib o‘tdi. Tokio-2020 eshkak eshish chempioni Stefanos Duskos Olimpiada mash’alasi estafetasini boshlaydi.
Mash’al estafetasi avval Gretsiyadan o‘tadi. 26 aprel kuni Afinada mash’ala Parij-2024 o‘yinlari tashkiliy qo‘mitasi a’zolariga topshiriladi, keyin esa “Belem” yelkanli kemasida Fransiyaga jo‘nab ketadi. Olimpiada olovi 8 may kuni Marselga yetkaziladi. Olimpiadaning ochilish marosimi 26 iyul kuni Parijda bo‘lib o‘tadi.
Eslatib o‘tamiz, avvalroq Fransiya Prezidenti Emmanuel Makron Parijda bo‘lib o‘tadigan Olimpiya o‘yinlari vaqtida barcha mavjud mojarolarda o‘t ochishlarni to‘xtatishga harakat qilayotgani xabar qilingandi.
Live
Barchasi
