OITSni kashf etgan olim koronavirus qanday paydo bo‘lganligini aytdi
Olam
−
18 aprel 2020 43583
OIVni kashf etgani uchun Nobel mukofoti sovrindori, fransuz virusologi Lyuk Montane yangi turdagi koronavirus laboratoriya sharoitida yaratilganligi haqidagi versiyani ilgari surdi. Bu haqda u “CNEws” telekanaliga bergan intervyusida aytib o‘tdi.
Olimning fikricha, ushbu virus molekulyar biologlar tomonidan yaratilgan.
Montane, shuningdek, COVID-19 bilan “manipulyatsiya” sodir bo‘lganligini, chunki unga OIV zarralari kiritilganligini aytdi.
Shu bilan birga, u ushbu virusni kim, qanday maqsadda va nima uchun ixtiro qilganligi haqida bilmasligini ta’kidladi.
“Balki ular OITSga qarshi vaksina ishlab chiqishni o‘ylagandir”, deb qo‘shimcha qildi Montane.
Nobel mukofoti sohibining boshqa bir matbuot anjumanida ta’kidlashicha, koronavirus Xitoyning Uxan shahridagi laboratoriyadan chiqib ketgan. Bunga uning ishonchi komilligini o‘z intervyularida ma’lum qilgan.
