Odamda koronavirus borligini aniqlash uchun tashxis qanday qo‘yiladi?

Koronavirusga oid turli ma’lumotlarni olish, infeksiya haqida batafsil bilish bugunning dolzarb masalalaridan biri hisoblanadi. Chunki har bir kishi, avvalo, o‘z salomatligi uchun o‘zi mas’uldir. Quyida koronavirusni aniqlash uchun tashxis qanday qo‘yilishi haqida so‘z boradi.

Test-tizim

Dastlabki bosqichda koronavirus infeksiyasi boshqa o‘tkir respirator infeksiyalar kabi belgilarga ega. Koronavirus infeksiyasini faqat maxsus test-tizimlar yordamida aniqlash mumkin.

Alomatlar

Tana haroratining ko‘tarilishi, quruq yo‘tal, nafas siqilishi, hansirash va kasallik qayd etilgan davlatdan kelganligi yoki o‘sha davlatdan kelgan odam bilan kontaktda bo‘lganligi.

Asoratlar

Odamlarning 80 foizida kasallik yengil kechadi. Koronavirusning yangi shtammlari og‘ir shakldagi pnevmoniyaga olib kelishi mumkin. Shuning uchun uning xavflilik darajasi yuqori.

Tashxis

Agar siz koronavirus kasalligi aniqlangan mamlakatdan qaytgan bo‘lsangiz yoki kasallangan odam bilan muloqot qilgan bo‘lsangiz, shifokoringizga bu haqida xabar bering.