Obama Kapitoliyga hujumni AQSH uchun katta sharmandalik deb atadi

AQSHning sobiq prezidenti Barak Obama Vashingtondagi Kapitoliy voqealari to‘g‘risida bayonot berdi. Unga ko‘ra, amaldagi Prezidentning tashabbusi bilan amalga oshirilgan Kongress binosiga bostirib kirish AQSH tarixiga katta sharmandalik onlari sifatida muhrlanadi.

“Tarix qonuniy saylovlar natijalari to‘g‘risida asossiz ravishda yolg‘on gapirishni davom ettirgan amaldagi Prezidentning qo‘zg‘atuvchisi (natijasi sifatida) bugungi Kapitoliydagi shafqatsizligini millatimiz uchun katta sharmandalik sifatida eslaydi», deb yozgan Obama Twitter’da joylashtirilgan xabarida.

Qo‘shma Shtatlarning sobiq prezidenti, shu bilan birga, voqeani kutilmagan holat, deb hisoblamaganini ta’kidlagan. 

“So‘nggi ikki oy ichida [Respublikachilar] siyosiy partiyasi va unga ittifoqdosh ommaviy axborot vositalari tinglovchilar hamda o‘quvchilarga haqiqatni aytishni xohlamadi”, deydi u. 

Respublikachilarga yaqin bo‘lgan ommaviy axborot vositalari o‘z o‘quvchilariga ta’riflagan rasmni Obama “xayoliy hikoya” va haqiqatdan yiroq rasm deb atadi. Uning fikriga ko‘ra, respublikachilar hozirgi sharoitda birinchi qadamni o‘zlari boshlashlari va alangali olovni o‘chirishlari kerak. U Trampning siyosatiga qarshi bo‘lganlarni qo‘llab-quvvatladi.