Ohangaronda YTH natijasida do‘kon yonib ketdi
Jamiyat
−
28 iyun 2020 10157
Bugun, 28 iyun kuni Ohangaron shahar, “Guliston” MFYda joylashgan ko‘p qavatli uyning 1-qavatidagi do‘konda yong‘in kelib chiqdi. Bu haqda Toshkent viloyati Favqulodda vaziyatlar boshqarmasiga soat 14:15 da xabar kelib tushgan.
Buning oqibatida ushbu hududning 190 m kv maydoni, ya’ni, do‘konning shifti va ichki jixozlari hamda oziq-ovqat maxsulotlariga zarar yetgan.
Mazkur xabar yuzasidan viloyat Favqulodda vaziyatlar boshqarmasining yong‘in-qutqaruv guruhi voqea joyiga zudlik bilan yetib borib, yong‘inni o‘z vaqtida bartaraf etgan. Qutqaruvchilarning sa’y-harakatlari natijasida 90 m.kv. saqlab qolingan.
Birlamchi ma’lumotlarga ko‘ra, hodisaning kelib chiqishiga Damas hamda “Zil-130” rusumli avtomobillarining to‘qnashuvi sabab bo‘lgan deb taxmin qilinmoqda.
Kelib chiqqan yong‘inda halok bo‘lgan va jabrlangan fuqarolar bo‘yicha ma’lumot kelib tushmagan.
Live
Barchasi
