Nihoyat “Barselona” Messisiz YeCHL nimchorak finaliga chiqishni uddaladi

29 noyabrga o‘tar kechasi “Barselona” klubi so‘nggi uch yil ichida ilk bor Yevropa Chempionlar ligasining (YeCHL) pley-off bosqichiga chiqishga muvaffaq bo‘ldi. 

YeCHL guruh bosqichining 5-turi doirasidagi o‘yinda Ispaniyaning amaldagi chempioni “Portu”ni qabul qildi va 2:1 hisobida g‘alaba qozondi. Shu tariqa, kataloniyaliklar muddatidan avval Yevropa Chempionlar ligasi pley-off bosqichiga yo‘llanmani kafolatladi.

Kataloniya klubi argentinalik hujumchi Lionel Messi jamoadan ketganidan keyin birinchi marta musobaqada guruhdan chiqishni uddaladi. Messi ketgach, “ko‘k-anorranglilar” hali biror marta ko‘hna qit’aning eng nufuzli futbol turnirida guruhdan chiqa olmayotgandi. Bungacha ikki marta kataloniyaliklar turnirning guruh bosqichida 3-o‘rinni egalladi.

Ta’kidlash joiz, Messi 2021 yilda Fransiyaning PSJ klubiga o‘tgandi. Hozirda argentinalik yulduz Amerikaning “Inter Mayami” klubida o‘ynamoqda.

Ma’lumot uchun, Yevropa Chempionlar ligasi guruh bosqichining so‘nggi turida “Barselona” mehmonda Belgiyaning “Antverpen” jamoasiga qarshi bahs olib boradi. Uchrashuv 13 dekabr kuni bo‘lib o‘tadi.