Neymar va Grizmann kelmoqda. Dembelening “paytavasiga qurt tushdi”

Xabaringiz bor, Kataloniyaning "Barselona" klubi o‘z safiga Neymar va Antuan Grizmannlarni qo‘shib olmoqchi. Ma’lum qilinishicha tarkibga Neymarning qaytishi ma’lum bo‘lib ulgurgan. Grizmanning transferini kataloniyaliklar 1 iyul kuni e’lon qilishi kutilyapti.

Shu boisdan jamoaning hujumkor futbolchilari Kataloniyadan ko‘chib ketish haqida o‘ylashmoqda. Braziliyalik Koutino Amerika kubogidan keyin yangi jamoasi nomini e’lon qilishi aytilmoqda. OAV tarqatgan ma’lumotlarga ko‘ra, Koutino Neymar transferining bir qismiga aylantirilishi kutilmoqda. "Barselona" PSJga 100 mln yevro va Koutinoni berishga tayyor. Hamma gap futbolchining o‘zida qolgan.

Grizmann markaz uchun olib kelinayotgan bo‘lsa, Neymar qaytsa chap qanotga javob beradi. Shu boisdan chap qanotda o‘ynab kelayotgan Usmon Dembele ham zahirada o‘tirishni xohlamay o‘ziga jamoa qidirmoqda. Eslatib o‘tamiz, futbolchi 2017 yilda "Borussiya Dortmund" tarkibidan 105 mln yevroga kelib qo‘shilgan edi. Fransiya terma jamoasi hujumchisini "Bavariya" va "Liverpul" jamoalari o‘z safiga chorlamoqda.