Neymar “Al-Hilol”ga o‘tishdan oldin qaysi top-klublar bilan muzokara o‘tkazgani ma’lum bo‘ldi
Sport
−
15 avgust 2023 3601
Ispaniyaning “Barselona” klubi yozda PSJ vingeri Neymarni sotib olmoqchi bo‘lgan yagona Yevropa klubi bo‘ldi. Bu haqda “The Independent” xabar berdi.
Manbaga ko‘ra, kataloniyaliklar futbolchini sotib olish huquqi bilan ijaraga olmoqchi bo‘lgan, biroq “Barselona” Neymarni ro‘yxatdan o‘tkazish uchun 4 nafar futbolchini qo‘yib yuborishi kerak edi.
Neymarning o‘zi “Manchester Yunayted”, “Bavariya”, “Real”, “Chelsi” va “Manchester Siti”ga o‘z xizmatlarini taklif qilgan, biroq bu klublar futbolchini sotib olish imkoniyatidan voz kechgan. Shundan so‘ng, braziliyalik futbolchi “Al-Hilol”ga o‘tishga rozi bo‘lgan.
Eslatib o‘tamiz, avvalroq Neymar “Al-Hilol” bilan shartnoma imzolagani haqida xabar berilgandi. Futbolchi Saudiya klubida mavsumiga 100 million yevro ishlab oladi.
Live
Barchasi
