Yuragi betoblar ko‘rmasin! Nexia avtobus bilan to‘qnash, 3 kishi qurbon bo‘ldi

Buxoro viloyatida avtobus bilan to‘qnashgan Nexia-2 avtomashinasi haydovchisi va 2 nafar yo‘lovchisi vafot etdi. Bu haqda O‘zbekiston Respublikasi IIV huzuridagi Tergov departamenti xabar bermoqda.

Qayd etilishicha, bugun, 29 noyabr kuni taxminan soat 07:00 larda Nexia-2 rusumli avtomashina haydovchisi Buxoro viloyat Jondor tumani hududidan o‘tuvchi Toshkent-Qoraqalpog‘iston A-380 yo‘lining 305 kmda harakatlanib kelayotgan vaqtida boshqaruvni yo‘qotib, qarama-qarshi yo‘nalishga chiqib ketishi oqibatida, ushbu yo‘nalishda kelayotgan Higer rusumli avtobusning old qismi bilan to‘qnashib, yo‘l-transport hodisasi sodir qilgan.

Oqibatda Nexia-2 avtomashinasining haydovchisi va 2 nafar yo‘lovchisi hodisa joyida vafot etgan.

Hozirda hodisa joyi tergov-tezkor guruhi tomonidan ko‘zdan kechirilib, YTHning kelib chiqish sabablari va vafot etganlarning shaxsini aniqlash choralari ko‘rilmoqda, holatning tafsilotlari yuzasidan qo‘shimcha ma’lumot beriladi.

Avvalroq, avtomobillarga texnik xizmat ko‘rsatish ustaxonasida 3 ta mashina yonib ketgani haqida xabar bergan edik.

Shahnoza To‘ramurotova