Netanyaxu Eronga hujumdan oldin Germaniyani xabardor qilgan
Olam
−
13 iyun 6062
Germaniya hukumati Eronga rejalashtirilgan hujum haqida Isroil tomonidan oldindan xabardor qilingan. Bu haqda “Der Spiegel” jurnali xabar berdi.
Nashr ma’lumotlariga ko‘ra, Isroil Bosh vaziri Binyamin Netanyaxu Germaniya kansleri Fridrix Mers bilan 02:30 (Toshkent vaqti bilan 01:30) atrofida telefon orqali bog‘langan.
Mersning aytishicha, xavfsizlik idoralari Germaniyadagi yahudiy va Isroil muassasalarini himoya qilishni kuchaytiradi.
“Germaniya Isroil va Eronni mintaqaning yanada keskinlashishi va beqarorlashishiga olib kelishi mumkin bo‘lgan qadamlardan tiyilishga chaqiradi”, deydi Mers.
Eslatib o‘tamiz, oldinroq AQSH Davlat kotibi Marko Rubio Isroilning bugun, 13 iyun kuni kechqurun Eronga bergan zarbalarini “bir tomonlama harakat” deb atagan va Vashingtonning bunga aloqasi yo‘qligini aytgandi. Rubio, shuningdek, Eronni mintaqadagi AQSH kuchlariga hujum qilmaslikka chaqirdi.
