Navoiyda bog‘cha bolalariga yaroqsiz go‘sht berilayotgani aniqlandi

Navoiy viloyati Nurota tumanidagi ayrim maktabgacha ta’lim muassasalarida go‘sht mahsulotlarining 4/1 qismi yaroqsiz holatda ekani aniqlandi. Bu haqda Iste’molchilar huquqlarini himoya qilish jamiyatlari federatsiyasi xabar berdi.

Bildirilishicha, tumandagi umumiy o‘rta ta’lim maktablari va maktabgacha ta’lim muassasalarida yaratilgan shart-sharoitlar hamda o‘quvchilar va tarbiyalanuvchilarning sog‘lom ovqatlanishi tashkil etilishining holati jamoatchilik nazorati tartibida o‘rganilgan. Mazkur tadbir davomida maktab va bog‘chalarda ta’lim sifati, moddiy-texnik baza, sanitariya-gigiyena talablariga rioya etilishi, ovqatlanish sifati va boshqa muhim masalalar atroflicha tahlil qilingan.

north_east

Samarqandda eshak go‘shti sotib kelgan shaxs ushlandi (video)

O‘rganishlar natijasida, ayrim maktabgacha ta’lim muassasalarida bolalar uchun ajratilgan oziq-ovqat mahsulotlarining saqlanish qoidalariga rioya qilinmayotgani aniqlangan. Xususan, ayrim tashkilotlarda go‘sht mahsulotlarining 4/1 qismi yaroqsiz holatda ekani qayd etilgan. 

“O‘rganish ishlari  davom etmoqda, o‘rganish yakunlari va aniqlangan kamchiliklar  bo‘yicha tegishli tashkilotlarga rasman ma’lumot taqdim etiladi”, deyiladi xabarda.

Eslatib o‘tamiz, 6 mart kuni Maktabgacha va maktab ta’limi vaziri Hilola Umarova davlat va nodavlat maktabgacha ta’lim tizimi mas’ullari bilan uchrashuvda 2024 yilda bolalarga nisbatan ishlatilgan qo‘pollik yuzasidan murojaatlar ortidan 32 nafar rahbar va tarbiyachi ishdan olinganini ma’lum qilgandi.