Navoiy viloyatida G‘ozg‘on shahar hokimligi tashkil etildi

O‘zbekiston Respublikasi Vazirlar Mahkamasining “Navoiy viloyati tarkibida G‘ozg‘on shahar hokimligini tashkil etish chora-tadbirlari to‘g‘risida”gi qarori qabul qilindi.

Unga ko‘ra:

Navoiy viloyati tarkibida viloyat bo‘ysunuvidagi G‘ozg‘on shahar hokimligi tashkil etildi.

G‘ozg‘on shahrini kompleks ijtimoiy-iqtisodiy rivojlantirish dasturiga ko‘ra:

•    qurilish materiallari ishlab chiqarish klasterlarini tashkil etish orqali aholi bandligi ta’minlanadi;

•    shahar hududida geologiya-qidiruv ishlari ko‘lamini kengaytirish orqali yangi konlarni aniqlash va o‘zlashtirish choralari ko‘riladi;

•    shaharda ko‘p kvartirali uylar qurilishini tashkil etish orqali urbanizatsiya darajasini oshirish va aholi uchun munosib turmush sharoitini yaxshilash ishlariga e’tibor qaratiladi.

Qaror bilan shuningdek,

•    G‘ozg‘on shahar hokimligi boshqaruv apparatining namunaviy tuzilmasi;

•    G‘ozg‘on shahridagi davlat organlari va tashkilotlarining bo‘linmalari va boshqaruv xodimlarining soni tasdiqlandi.

G‘ozg‘on shahrida joylashgan davlat organlari va tashkilotlarining boshqaruv xodimlari vazirliklar va idoralarning umumiy shtat birliklari doirasida kiritilishi belgilandi.