NATO Ukrainaga 500 mln yevrolik yangi yordam paketini yuboradi

NATO Ukrainaga 500 million yevrolik yangi qo‘shimcha yordam paketini tayyorlaydi va jo‘natadi. Bu haqda alyans bosh kotibi Yens Stoltenberg ma’lum qildi.

Bosh kotibning so‘zlariga ko‘ra, u yoqilg‘i va dori-darmonlarni o‘z ichiga oladi. Shuningdek, alyans Ukrainaga artilleriya o‘q-dorilarini yetkazib berish hajmini oshiradi.

"Biz misli ko‘rilmagan miqdorda turli xil o‘q-dorilarni jo‘natdik va yetkazib berishni e’lon qilishda davom etmoqdamiz. Bu to‘g‘ri muvofiqlashtirilmoqda", deydi Stoltenberg. 

U Ukraina har kuni minglab o‘q-dorilardan foydalanishi kerakligini qo‘shimcha qilgan.

"Shuning uchun biz ularni yana o‘tkazishimiz kerak. Ittifoqchilar aynan shunday qilmoqda: ular Ukrainaga tobora ko‘proq o‘q-dorilar va turli artilleriya tizimlari, zirhli texnikalar, tanklar va havo hujumidan mudofaa tizimlari uchun ehtiyot qismlar yetkazib berishmoqda", deydi Stoltenberg.

Eslatib o‘tamiz, avvalroq Chexiya Kiyevga jangovar vertolyot va o‘q-dorilar berishini ma’lum qilgandik.