Namangandagi nosoz attraksion sabab 4 kishi jarohatlandi (video)
3-sahifa
−
31 iyul 7497
Kecha, 30 iyul kuni Namangandagi nosoz attraksion sababli 4 nafar fuqaro jarohatlandi. Bu haqda Namangan viloyati Chust tumani hokimligi matbuot xizmati xabar berdi.
Qayd etilishicha, Chust bog‘idagi attraksionni boshqarish davomida texnik nosozlik yuzaga kelgan. Attraksion daraxt shoxiga urilgan, oqibatda 3 kishi yengil tan jarohati olgan, 1 nafar fuqaroning oyoq son suyagi singan va ular tez yordam bo‘limiga olib borilgan.
“Bemorlarga tez yordam ko‘rsatilgan va o‘sha kunning o‘zida javob berilgan. Ayni damda ular Reanimatsiya bo‘limida og‘ir ahvolda ekani haqidagi xabarlar asossiz”, deyiladi matbuot xizmati bayonotida.
Bildirilishicha, mazkur holat yuzasidan tegishli tashkilot xodimlari tomonidan o‘rganish ishlari olib borilmoqda.
Eslatib o‘tamiz, avvalroq Andijon viloyatida foydalanishga yaroqsiz bo‘lgan attraksion yuzasidan munosabat bildirilgandi.
Live
Barchasi26 noyabr
