Namangandagi qandolat sexida yong‘in sodir bo‘ldi

Namangan shahar Yangi Namangan tumani hudida joylashgan qandolat sexida yong‘in sodir bo‘ldi. Bu haqda viloyat Favqulodda vaziyatlar boshqarmasi Axborot xizmati xabar berdi.

Manbaga ko‘ra, bugun, 11 iyul kuni soat 03:45da shaxar Favqulodda vaziyatlar boshqarmasiga Yangi Namangan tumani, “1-Axsikent”  MFY hududida joylashgan qandolat mahsulotlarini ishlab chiqarish sexida yong‘in sodir bo‘lyotgani haqida xabar kelib tushgan. Xabarga asosan yong‘in qutqaruv ekipaji soat 03:47 da voqea joyiga yetib borgan va 04:30 da yong‘in to‘liq qurshab olinib, bartaraf etilgan.

Dastlabki ma’lumotlarga ko‘ra, mazkur hodisa oqibatida sex binosining shift va tom qismidan 120 kvadrat metr hamda qurilishi tugallanmangan qo‘shni xonadonning tomida 80 kvadrat metr qismi yonib, zararlangan. 

Shuningdek, hozirda holat yuzasidan tergovga qadar surushtiruv ishlari olib borilayotgani ma’lum qilingan