Namanganda mudhish YTH. Haydovchining onasi, akasi, rafiqasi va qizi qurbon bo‘ldi
Jamiyat
−
02 aprel 2019 9144
Namangan viloyatida sodir bo‘lgan YTHda 5 kishi halok bo‘ldi. Bu haqda “Zamon” axborot-tahliliy dasturida xabar qilindi.
Voqea joriy yilning 26 mart kuni soat 07:00 atrofida Pop tumani Farg‘ona xalqa yo‘lining 25 kilometrida sodir bo‘lgan. Qayd etilishicha, “Pantera trans lyuks” MCHJga qarashli Lacetti rusumli avtomobil Pop-Chust yo‘nalishida harakatlanayotgan yuk mashinasiga borib urilgan.
Natijada yengil avtomobil haydovchisining onasi, akasi, turmush o‘rtog‘i, 10 yashar qizi va ular bilan birga bo‘lgan yana bir yo‘lovchi og‘ir tan jarohatlari bilan voqea joyida vafot etgan. Lacetti va yuk mashinasi haydovchisi shoshilinch shifoxonaga yotqizilgan.
Mazkur holat bo‘yicha jinoyat ishi qo‘zg‘atilgan, tergov harakatlari olib borilmoqda.
Live
Barchasi
